Қазақстан құрамасының бұрынғы капитаны, жартылай қорғаушы Бауыржан Исламхан алматылық «Қайратта» ойнап жүрген кезеңінде шетелдік клубтардан нақты ұсыныстар түскенін айтып берді.
Исламханның сөзінше, легионерлік бағыттағы ең нақты шақыртулар мына тараптан болған:
Футболшының айтуынша, ұсыныстардың бәрі алдымен клубқа келетіндіктен өзі білмейтін басқа да нұсқалар болуы мүмкін.
Бауыржан ол кезде басты назарын «Қайратқа» аударып, сыртқы нұсқаларды арнайы қазбаламағанын жасырмады. Дегенмен уақыт өте келе мансабында жаңа бетбұрыс жасауға ниеттеніп, клуб басшылығымен сөйлескенін жеткізді.
Оның айтуынша, өзі Қайрат Боранбаевқа кіріп, жасы да келіп қалғанын айтып, шетелде бағын сынауға рұқсат сұраған.
Еске салайық, 32 жастағы хавбек 2025 маусымында жарақат салдарынан бірде-бір ресми матч өткізген жоқ. Соңғы рет 2024 жылдың 17 қарашасында Ұлттар лигасында Норвегияға қарсы ойында алаңға шыққан (0:5).
2024 жылдың желтоқсан айының ортасында Исламхан отбасы мүшелерімен бірге Шымкент – Тараз тасжолында жол апатына ұшыраған. Ал қаңтарда операция жасатып, маусымның басын өткізіп алды.
Қыста ол түркістандық «Тұранмен» келісімшартқа қол қойды, бірақ команда сапында дебют жасай алмады.
Футболшы шілде айында елордалық «Астанаға» қайта оралды. Сол кезде бас бапкер Григорий Бабаян бұл ауысымның негізгі мақсаты құрамды күшейту емес, апаттан кейін оңалту кезеңінен өтіп жатқан ойыншыға қолдау көрсету екенін атап өткен.
Мансабында Бауыржан Исламхан:
Ұлттық құрамада 56 матч өткізіп, 4 гол соғып, 9 нәтижелі пас берген.