"Ақтөбеден" тоғыз футболшы кетті

Қазақстан Премьер-Лигасының өкілі «Ақтөбе» футбол клубы маусымаралық кезеңде бірден тоғыз ойыншымен қош айтысты.  Кеше клуб қорғаушы Әлібек Қасыммен және шабуылшы Жайро Жанмен қоштасқанын ресми түрде мәлімдеді.

Осыған дейін «Ақтөбеден» кеткен футболшылар тізімі мынадай:

• қорғаушылар: Неманья Анджелкович, Лев Скворцов, Богдан Вэтэжелу;
• жартылай қорғаушылар: Данияр Үсенов, Уче Агбо;
• шабуылшылар: Идрис Умаев, Оралхан Өміртаев.

Клуб үшін ең ауыр шығындар ретінде команда капитаны Әлібек Қасым және үздік сұрмерген Жайро Жан аталды. Сонымен қатар, Анджелкович пен Вэтэжелу негізгі құрам ойыншылары саналған.

Қазіргі трансферлер

Қазіргі таңда «Ақтөбенің» трансферлік есебінде тек екі жаңа ойыншы бар:

• қазақстандық қақпашы Александр Заруцкий;
• украиналық қорғаушы Иван Ордец.

Еске сала кетейік, ҚПЛ-дің өткен маусымында «Ақтөбе» бесінші орын алып, еурокубок жолдамасынан тыс қалды. Осыдан кейін клубтың жаңа иесі пайда болды. Ол — кәсіпкер Нұрлан Артықбаев.