ҚПЛ клубынан бір күнде бес ойыншы кетті

Ресми мәлімдеме: келісімшарттары аяқталды

Клубтың Instagram парақшасындағы ақпаратқа сәйкес, келісімшарт мерзімінің бітуіне байланысты төмендегі футболшылар «Қайсардан» кетті:

• Ілияс Әмірсейітов
• Бекзат Құрманбекұлы
• Әліби Тұзақбаев
• Елжас Алтынбеков
• Қуаныш Қалмұратов

Маусым қорытындысы: 22 ұпай және 11-орын

Өткен маусым нәтижесінде қызылордалық ұжым 22 ұпай жинап, турнир кестесінде 11-орынға тұрақтаған.

Клуб жергілікті кәсіпкер Исламғали Козбақовтың меншігіне өткеннен кейін трансфер нарығында белсенді қимылдап, бірқатар легионермен келісімге келді.

Айта кетейік, ҚПЛ-2025 маусымының басында «Қайсар» басшылығы команда тек қазақстандық футболшылармен ойнайтынын мәлімдеген. Алайда қазіргі трансферлік бағыт клубтың жоспарында өзгеріс болғанын аңғартуы мүмкін.