Отандық белгілі маман Ғалымжан Кенжебектің Ресей чемпионатына ауысуын бағалады.
«Жетісу» клубының бас бапкері Қайрат Нұрдәулетов Қазақстан құрамасының жартылай қорғаушысы Ғалымжан Кенжебектің «Ахматқа» мүмкін болатын ауысуына қатысты пікір білдірді. Бұл туралы Fonteam YouTube-арнасы хабарлайды.
"Менің ойымша, қайда барса да — Ресейге ме, Бельгияға ма — біздің жігіттерге ойнау керек. Ол «Ахматта» болсын, Бельгияда немесе Шотландияда болсын, бәрібір біздің чемпионаттан кету қажет".
Бапкердің айтуынша, Ғалымжан еңбектенсе, оның кез келген жерде ойнай алатынын алға тартты:
"Зайнутдинов «Ростовта» жақсы ойнады, ЦСКА-да да тамаша өнер көрсетті. Меніңше, бәрі адамның өзіне байланысты. Егер ертең Кенжебек кішкентай қиындықтарға төтеп бере алмай, сынатын болса — бәрі бітті, ол екі жылдан кейін Қазақстанға қайта оралады. Ал егер ол дамуға ұмтылып, еңбек етсе, онда Ресейде де, Бразилияда да, кез келген жерде ойнай алады. Кенжебек — сондай жігіт", — деді бапкер.
Айта кетейік, бұған дейін «Елімай» клубы Кенжебектің кеткенін ресми түрде жариялаған болатын. Ол шілде айында словакиялық «Кошице» клубынан «Елімайға» ауысқан еді. КПЛ-дегі жарты жыл ішінде ол 11 матч өткізіп, 6 гол соғып, 4 нәтижелі пас берді. Мәліметтерге сәйкес, вингер грозныйлық «Ахмат» клубына ауысады.