Дастан Сәтпаевтың "Челсиде" қандай нөмірмен ойнайтыны белгілі болды
"Челси" Қазақстан құрамасының шабуылшысы Дастан Сәтпаевтың лондондық командаға қосылғаннан кейін қай нөмірмен ойнайтынын алдын ала белгілеп қойған.
Қай нөмірді киеді?
Журналист Ербол Қайыровтың айтуынша, қазақстандық форвардқа 9-нөмір беріледі. Қазір бұл нөмір Англияның жастар құрамасының шабуылшысы Лиам Делапқа тиесілі.
Ақпарат клубтың ресми дүкенінде нақтыланған. Жанкүйерлерге арналған дүкенде Сәтпаевтың аты-жөні жазылған жейдені қазірдің өзінде сатып алуға болады.
"Біз "Стэмфорд Бридж" стадионының жанындағы "Челсидің" ресми фан-шопында тұрмыз. Клуб Қазақстанның шабуылшысы Дастан Сәтпаевтың келуіне дайын. Биылғы жазда Делап өзінің 9-нөмірін біздің ойыншымызға беруге мәжбүр болады", — деді журналист.
Трансфер туралы негізгі мәлімет
Еске сала кетейік, Қазақстан құрамасының және "Қайраттың" 17 жастағы шабуылшысы Дастан Сәтпаевтың "Челсиге" ауысатыны былтыр ақпанда жарияланған.
- Трансфер құны: 4,3 млн еуро
- "Челсиге" қосылатын уақыты: 2026 жылдың тамызы
- Себеп: ойыншының 18 жасқа толуын күту (кәмелеттік жасқа жеткеннен кейін)