Дастан Сәтпаев әлемнің үздіктері қатарына енді
Беделді басылымның рейтингінде отандасымыз 43-орыннан көрінді.
Қазақстандық жас шабуылшы Дастан Сәтпаев әлемдік футболдағы ең талантты ойыншылардың қатарына кірді. Ол Goal басылымы жариялаған NXGN 2026 — үздік 50 жас футболшы рейтингіне енді.
Сәтпаев рейтингте 43-орында
Алматылық "Қайрат" клубының ойыншысы Дастан Сәтпаев беделді тізімде 43-орынға жайғасты.
"Дастан Сәтпаев әлем жанкүйерлеріне Қазақстаннан шыққан жұлдыз футболшыны таныстыруға жақын. Ол "Қайрат" сапында жарқырап, "Челсидің" назарын аударды", — деп жазды Goal сарапшылары қазақстандық футболшы туралы.
Қазір 17 жастағы шабуылшы лондондық "Челсиге" ауысуға дайындалып жатыр. Трансфер құны шамамен 4 миллион еуроны құраған болатын.
Рекордтар мен жетістіктер
Дастан Сәтпаев қазірдің өзінде бірқатар тарихи жетістіктерге қол жеткізді:
- Қазақстан құрамасының ең жас дебютанты;
- ұлттық құрама тарихындағы ең жас гол авторы;
- Еурокубокта гол соққан ең жас ойыншылардың бірі.
2025 жылғы Қазақстан чемпионатында Сатпаев 14 гол соқты. 7 нәтижелі пас берді.
Әлемдік рейтинг көшбасшылары
- Ламин Ямаль ("Барселона", Испания)
- Эстеван ("Челси", Бразилия)
- Пау Кубарси ("Барселона", Испания)