"Сантос" Неймардың 2025 жылы клубқа оралуын мәлімдеді
02.11.2024, 09:25
"Сантос" клубының директорлар кеңесі төрағасының орынбасары Нико Освальдо клубтың бұрынғы шабуылшысы Неймармен келіссөздердің аяқталуға жақын екенін және алдағы айларда 32 жастағы футболшының командаға қайта оралатынын мәлімдеді.
championat.com
"Неймар маусым айында 'Сантосқа' келеді. Бұл біз талқылап жүрген мәселе. Ол қайта оралады," – деп Освальдоның сөзін Football Espana келтіреді.
Неймар – "Сантос" клубының түлегі. Ол бразилиялық клубтың негізгі командасында 2009 жылдан 2013 жылға дейін өнер көрсетті. Осы уақыт аралығында ол барлық турнирлерде 225 матчқа қатысып, 136 гол соғып, 64 нәтижелі пас берді.
Қазіргі уақытта шабуылшы "Аль-Хиляль" клубында ойнайды, оның келісімшарты 2025 жылдың жазы аяқталғанға дейін жарамды.