Қазақ футболшысы ойнайтын клуб турнирлік кесте соңынан жоғарылау мүмкіндігін жіберіп алды
02.11.2024, 22:29
Қарсылас та аутсайдер команда болатын.
Aladop.kz
Абат Айымбетов ойнайтын «Адана Демирспор» клубы Түркия Суперлигасында соңғы орында қалды. Серкан Дамлының командасы турнирлік кестеде 17-ші орынды иеленген «Кайсериспормен» сырт алаңда ойнап, жеңіске жете алмай, тең тарқасты. Жеңіске жетуге жақсы мүмкіндіктер болғанымен, кездесуде есеп ашылмады.
29 жастағы қызылордалық шабуылшы бұл матчқа қосалқы құрамнан қосылды. Алаңға 79-шы минутта ғана шықты.
Айта кетейік, Айымбетов қаңтар айында «Адана Демирспордан» кетіп, Қазақстан Премьер-лигасына қайта оралуы мүмкін.