"Астана" ең қымбат футболшыға көз салды
01.01.2025, 15:46
Елордалықтар польшалық "Ягеллония" ФК шабуылшысы Афимико Пулулуға қызығушылық танытты.
sport24.ua
Егер 25 жастағы анголалық астаналықтарға қосылса, онда Қазақстан Премьер-Лигасының ең қымбат ойыншысы атанады. Transfermarkt.de сайты Пулулуды 3 миллион еуроға бағалап отыр. Дәл қазір "Қайраттың" жартылай қорғаушысы Валерий Громыко (1 млн еуро) ҚПЛ-дың ең қымбат ойыншысы боп саналады.
Польшалық БАҚ өкілдерінің хабарлауынша, Афимико Пулулу украиналық "Динамо", сонымен қатар Англия, Италия және Бельгиядағы бірқатар клубты қызықтырып отыр.
Пулулу "Ягеллония" үшін биылғы маусымда 29 матч өткізді. 12 доп соғып, 3 нәтижелі пас берді.