Неймардың табысы белгілі болды
10.01.2025, 12:31
"Әл-Хиляль" клубының шабуылшысы Неймар 2024 жылы алаңда бар болғаны 42 минут өткізіп, 101 миллион еуро тапқан.
matchtv.ru
Неймар 2024 жылдың қазан айына дейін тізесінің айқасқан байламдарын қалпына келтірумен айналысты. Қазан-қараша айларында ”Әл-Хиляль” сапында екі ойын өткізді.
4 қарашада Азия чемпиондар лигасы аясында өткен ирандық “Эстеглал” қарсы матчта бразилиялық шабуылшы жамбас бұлшықеттерінен жарақат алып, алаңнан кеткен еді. Сол кезден бастап ол ресми ойындарға қатысқан жоқ.
Неймар ”Әл-Хиляльге” 2023 жылдың жазында келді. Соңғы бір жарым жылда үш ойын өткізіп, нәтижелі әрекетімен көзге түспеген.