"Бауы берік болсын": Черчесов ұлттық құрама ойыншысын қазақша құттықтады
Жуырда жартылай қорғаушы Рамазан Оразов екінші рет әке атанған болатын.
Қазақстан ұлттық құрамасының бас бапкері Станислав Черчесов жартылай қорғаушы Рамазан Оразовтың әке атануымен құттықтады. Қызығы сол, ресейлік маман ізгі тілегін қазақ тілінде жазды.
"Рамазан Оразовтан сүйінші жаңалық жетті. Ұлттық құраманың жартылай қорғаушысы тағы да әке атанды. Рамазан мен оның жұбайын осы қуанышты оқиғамен шын жүректен құттықтаймын. Дүние есігін ашқан сәбилерің аман есен ер жетсін. Мүмкін, болашақта әке ізін жалғап, футболшы болуды таңдайтын шығар. Соған сенейік. Бауы берік болсын!", -деп жазды Черчесов өзінің Instagram желісіндегі ресми парақшасында.
Айта кетейік, Станислав Черчесов Қазақстан құрамасын 2024 жылдың маусымынан бері жаттықтырып келеді. Содан бері ресейлік маман мемлекеттік тілге байланысты басы дауға қалған еді. Бапкердің іліктілігіне қатысты да пікірталас та тоқтамай келеді.