ЧЛ 7-туры: "Барселона" камбэктің көкесін жасады (ВИДЕО)
Лиссабондағы матчты каталондық клубтың жанкүйерлері көпке дейін ұмытпайтыны анық.
Чемпионадар лигасы жалпы кезеңінің 7-туры аясында өткен матчтар тартысқа толы болды. Әсіресе, "Бенфика" мен "Барселона" арасындағы матч. Бұл матчта 9 гол соғылды. "Барселона" камбэк жасады. Каталондық клуб соңғы минутта гол соғып жеңісті жұлып әкетті. Қорытынды есеп - 4:5. Осылайша, "Барселона" 1/8 финалға жолдама алды.
7-турда плей-офф кезеңіне жолдама алған тағы бір клуб - "Ливерпуль". Алдағы тур нәтижелері команданы үздік сегіздіктен төмен сырғыта алмайды. Жалпы, жаңа форматтағы Чемпиондар лигасында 7 турда да жеңіске жеткен жалғыз команда бұл. Мерсисайдтық клуб "Лилльмен" кездесіп, 2:1 есебімен жеңіске жеткен болатын.
Ал "Монако" да өз алаңында жеңіске жетті. Аталған ұжым "Астон Вилланы" 1:0 есебімен жеңді. Кездесудің 8-минутында Синго есеп ашып, жалғыз голдың авторы атанды.
УЕФА Чемпиондар лигасы жалпы кезеңінің 7-турында өз алаңында жеңіске жеткен тағы бір ұжым испаниялық "Атлетико Мадрид". Чемпиондар лигасында бұл команда германиялық "Байерден" 2:1 есебімен басым түсті. Осылайша "Атлетико Мадрид" турнирлік кестедегі жағдайын жақсартып алды. 7 тур қорытындысы бойынша қазір үздік үштікті түйіндеп тұр.
Бір қызығы, бүгін болған кездесулердің арасында тек "Брюгге" — "Ювентус" матчында ғана гол соғылмады. Қалған ойындардың бәрінде есеп ашылды.