Испаниядағы хет-трик. Қазақстандық жас футболшы матч жұлдызы атанды
27.01.2025, 12:00
Қазақстандық шабуылшы Данил Анкудинов испаниялық "Менсахеро" футбол клубы сапында үш гол соқты.
vesti.kz
21 жастағы Анкудинов Испания корольдігі футбол федерациясының (Испаниядағы футбол лигалары жүйесі арасында бесінші маңызға ие) үшінші дивизиондағы “12” топтың 19-турында “Бусанада” командасының қақпасын үш мәрте бағындырды. Қазақстандық шабуылшы бірінші таймда-ақ хет-трикпен ерекшеленді. Матч 4:1 есебімен “Менсахероның” жеңісімен аяқталды.
“Менсахеро” 17 ойыннан кейін 30 ұпай жинап турнир кестесінде жетінші орында келеді. Ал “Бусанаданың” еншісінде 18 ұпай. Олар 15-орында тұр.