Алаңға Зайнутдиновты шығармаған "Бешікташ" еурокубоксыз қалды
Түркиялық "Бешікташ" Еуропа лигасының 8-турында нидерландтың "Твенте" клубына қонаққа барды.
Матч 1:0 есебімен “Твентенің” жеңісімен аяқталды. Жалғыз голдың авторы Дан Ротс. Ол 76-минутта нәтижелі соққымен ерекшеленді. Бұл матчқа “Бешікташ” сапында Қазақстан құрамасының жартылай қорғаушысы Бахтиёр Зайнутдинов қатысқан жоқ. Оны бас бапкер Уле Гуннар Сульшер қосалқы құрамда қалдырды.
Осылайша “Бешікташ” турнирде тоғыз ұпай жинағанымен плей-офф сынынан құр қалды. Ал Еуропа Лигасының ережесі бойынша 1-ден 8-орынға дейін іліккен ұжымдар 1/8 финалға тікелей жолдама алады, ал 9-дан 24-орынға тұрақтағандар біліктілік матчтарына қатысады. Ал Бахтиёр Зайнутдиновке келер болсақ, ол биылғы маусымда түркиялық клуб үшін 12 ойынға қатысып, бір нәтижелі пас берді.