Роналду – тағы да табысы ең көп футболшы. Мессидікі екі есе аз

«Әл-Наср» және Португалия құрамасының шабуылшысы Криштиану Роналду 2024 жылы ең көп табыс тапқан спортшысы атанды. 40 жастағы футболшыға былтыр 248 миллион еуро көлемінде кіріс кірген. Бұл туралы Sky Sports хабарлады.

Екінші орынға баскетболшы Стефен Карри жайғасты. Жылдық табысы – 146 миллион еуро. 

Ең көп табыс тапқан спортшылар рейтингі:

1. Криштиану Роналду («Әл-Наср», футбол) — € 248 млн
2. Стефен Карри («Голден Стэйт», баскетбол) — € 146 млн
3. Тайсон Фьюри (бокс) — € 140 млн
4. Лионель Месси («Интер Майами», футбол) — € 129 млн
5. Леброн Джеймс («Лос-Анджелес Лейкерс», баскетбол) — € 127 млн

Роналдудың қазіргі маусымдағы нәтижесі

Португалиялық футболшы ағымдағы маусымда 28 матчта 24 гол соғып, 4 нәтижелі пас берді.