"Реал" құрамында Чемпиондар лигасын жеңген футболшы өмірден өтті
Мадридтің "Реал" клубының бұрынғы футболшысы Хавьер Дорадо 48 жасында өмірден өтті.
"Реал" футбол клубының ресми сайтында марқұмның отбасына көңіл айту жарияланды:
"Клуб, оның президенті және директорлар кеңесі Хавьер Дорадоның қайтыс болғанына қатты қайғыруда. Ол біздің жастар академиямыздың түлегі және 1999-2000 жылдар аралығында бірінші командада ойнаған футболшы болатын. Біз оның отбасы, командаластары мен жақындарына шын жүректен көңіл айтамыз. Жаны жайлы болсын."
Дорадо – "Реал" академиясының түлегі. Ол 1999/2000 маусымында "Корольдік клубпен" бірге Чемпиондар лигасын жеңіп алған.
Сонымен қатар "Райо Вальекано", "Спортинг" және "Мальорка" командаларында өнер көрсетті.
Ауыр дерт және өмір үшін күрес
Дорадо 2022 жылы онкологиялық ауруға шалдыққан. 2024 жылдың мамыр айында сүйек кемігін трансплантациялау операциясын өткерді.Бірақ ауруды жеңе алмады.