Қазақстан құрамасы күтпеген жерден жолдастық кездесу өткізбек

Қазақстан құрамасы әлем чемпионатының іріктеу кезеңіне дейін жолдастық кездесу өткізеді. The International Window деп аталатын X-аккаунтының  хабарлауынша, ұлттық құрама 19 наурызда Түркияның Анталия қаласында Кюрасао құрамасымен жолдастық матч ойнайды.

Бұл матч Қазақстан құрамасының 2026 жылғы әлем чемпионатының іріктеу кезеңіндегі алғашқы ойынына дайындық аясында ұйымдастырылған.

Еске сала кетейік, Қазақстан құрамасы іріктеу кезеңін 22 наурыз күні Кардиффте Уэльске қарсы матчпен бастайды. Ал 25 наурызда команда Вадуцта Лихтенштейн құрамасымен кездеседі.

Сонымен қатар, Қазақстан J тобында Бельгия және Солтүстік Македония құрамаларымен де ойнайды.