"Қарсылас онша мықты емес": Лихтенштейн Қазақстаннан ұпай алуға үмітті
2026 жылғы футболдан әлем чемпионатының іріктеу кезеңі аясында өтетін Лихтенштейн мен Қазақстан арасындағы ойын алдында жергілікті БАҚ ұлттық құраманың жеңіске жету мүмкіндігін жоғары бағалап отыр.
Лихтенштейн Қазақстаннан ұпай алғысы келеді
"Іріктеудің екінші ойыны сейсенбі күні өтеді. Райнпаркштадионда Конрад Фюнфштюк жаттықтыратын Лихтенштейн құрамасы Қазақстан құрамасын қабылдайды. Бұл – Солтүстік Македониямен салыстырғанда әлсіздеу қарсылас. Сондықтан ұпай алуға нақты мүмкіндік бар", – деп жазады Лихтенштейн басылымы.
Еске салайық, Қазақстан құрамасы іріктеу кезеңін Уэльспен өткен сырт алаңдағы матчта 1:3 есебімен жеңіліспен бастады. Ал Лихтенштейн өз алаңында Солтүстік Македониядан 0:3 есебімен ойсырай ұтылды.
Лихтенштейн – Қазақстан кездесуі 25 наурыздан 26-на қараған түні Вадуц қаласында өтеді.