Мессидің қауіпсіздігіне кім жауап береді? MLS күтпеген шешім қабылдады!
Мессидің күзетшісіне алаңға шығуға тыйым салынды.
Америкалық MLS лигасы аргентиналық футболшы Лионель Мессидің жеке күзетшісі Яссин Чеукоға қатысты шектеу енгізді. Енді Чеукоға ойын кезінде алаңға жүгіріп шығуға рұқсат жоқ. Бұл шешім лиганың қауіпсіздік қызметтерінің регламентіне сай қабылданған.
Алаңдағы қауіпсіздік — арнайы қызметтің міндеті
Лига басшылығы ойыншылардың қауіпсіздігін қамтамасыз ету тек арнайы дайындалған қауіпсіздік қызметінің құзырында екенін атап өтті. Сондықтан жеке күзетшілерге алаң шебінен асуға тыйым салынды.
Чеуконың жауабы
Яссин Чеуко бұл шектеуге қатысты өз пікірін білдірді:
"Мен АҚШ-та 20 айдан бері жүрмін. Осы уақыт аралығында 16 адам алаңға жүгіріп шықты. Мен проблема емеспін. Сондықтан маған Мессиді қорғауға рұқсат беріңдер", – деді ол.
Месси өз қауіпсіздігі үшін қанша төлейді?
Бұрынғы арнайы жасақ мүшесі Чеуко қазіргі таңда футбол аңызы Мессидің жеке күзетшісі ретінде қызмет атқарады. Оның айлық жалақысы — 60 мың доллар.