Чехиядан ауыр соққы: Қазақстан хоккейшілері әлем чемпионатында тағы да жеңілді (ВИДЕО)
Қазақстан құрамасы хоккейден әлем чемпионатында қазіргі әлем чемпионы Чехиямен кездесті.
Чехия толық үстемдік құрды
Матчтың алтыншы минутында чех ойыншысы Матей Странски есеп ашты. Бұл алғашқы кезеңдегі жалғыз шайба болды.
Екінші кезеңде Якуб Флек (22-минут) есепті ұлғайтты, артынан Странски (33-минут) дубль жасап кетті. Ойын соңына қарай Роман Червенка (38) тағы бір шайба салып, чехтардың басымдығын нығайтты.
Қазақстанның жалғыз жауабы – Колесниковтан
Үшінші кезеңде Адам Клапка (42) бесінші шайбаны енгізді. Қазақстан атынан жалғыз жауап 48-минутта Вячеслав Колесниковтен келді.
Алайда чехтар тоқтаған жоқ: Червенка (54 және 57-минуттар) дубль жасап, Клапка (60) соңғы шайбаны енгізді. Қорытынды есеп – 8:1 Чехияның пайдасына.
Төртінші жеңіліс және келесі қарсылас – АҚШ
Бұл жеңіліс Қазақстан үшін турнирдегі қатарынан төртінші болып отыр. Қазір құрамамыз үш ұпаймен B тобында жетінші орынға орналасқан.
Келесі матч – 18 мамыр, сағат 19:20-де АҚШ құрамасына қарсы өтеді.