Қазақстан Хорватиядағы Әлем кубогы кезеңінде екінші медаль жеңіп алды
12.04.2025, 21:39
Спорттық гимнастикадан Қазақстан құрамасының мүшесі Нариман Құрбанов Хорватияның Осиек қаласында өткен Әлем кубогы кезеңінде қола жүлдегер атанды.
olympic.kz
Нариман Құрбанов гимнастикалық ат снарядындағы финалдық жаттығуда жоғары нәтиже көрсетіп, 14.233 ұпай жинады. Бұл көрсеткіш оған үшінші орын мен қола медальды сыйлады.
Осы жаттығуда тағы бір отандасымыз Зейнолла Ыдырысов өнер көрсетіп, сегізінші орынмен шектелді.
Жүлделі үштік
- Алтын медаль — Гамлет Манукян (Армения) — 14.633 ұпай
- Күміс медаль — Тянлун Гао (Қытай) — 14.400 ұпай
- Қола медаль — Нариман Құрбанов (Қазақстан) — 14.233 ұпай
Бұған дейін Милад Карими еркін жаттығуда да үшінші орын иеленген. Ертең, 13 сәуір күні, ол белтемір жаттығуының финалында өнер көрсетеді.