Қарағандыда әуесқой хоккей ойыны кезінде бір ойыншы кенеттен тіл тартпай кетті.
Оқиға Түнгі Әуесқойлар Хоккейной Лигасы аясында өткен матчта тіркелген. Қайғылы жағдай ойынның дәл басталуына жақын уақытта болған.
Лига үйлестірушілерінің бірі журналистерге оқиғаның кейбір жай-жапсарын жеткізді. Оның айтуынша, марқұм командамен бірге мұз айдынына шығып, сәлемдесу рәсіміне тұрған сәтте аяқ астынан құлап түскен.
"46 жаста еді. Сәлемдесуге шықтық, адам құлап қалды. Жағдайы нашарлады. Алдымен қобдишадағы дәрі-дәрмекпен көмектестік, кейін медицина қызметкерлері әрекет етті — жедел жәрдем де келді. Бірақ аман алып қала алмадық. Негізі ер адамдар жұмыстан кейін жиналып, ойнап қайтуды мақсат еткен. Ол бұл жақта іссапарда жүрген, өзі басқа өңірден. Сол күні жұмыста болған", — деді лига өкілі.
Қазір хоккейшінің нақты неден қайтыс болғаны ресми түрде нақтыланбаған. Тек марқұмның "СКА-Приозерск" командасының ойыншысы болғаны белгілі.