29 жастағы боксшы нокаут алып қайтыс болды
Танзаниялық боксшы Хассан Мгайя қарсыласынан нокаутпен жеңілгеннен кейін алған жарақатынан үш күннен соң көз жұмды.
27 желтоқсанда Дар-эс-Саламда өткен жеңіл салмақ дәрежесіндегі жекпе-жекте Хассан Мгайя отандасы Пол Элиастан нокаутпен жеңіліп қалды. Ауыр жарақат алған боксшы ауруханаға жеткізіліп, кейін сол жерде көз жұмған.
"Танзаниялық кәсіпқой боксшы Хассан Мгайя 2024 жылғы 27 желтоқсанда алған нокауттан кейінгі жарақатынан 30 желтоқсанда қайтыс болды. Бүкіл WBC ұжымы және президент Маурисио Сулейман сүйікті чемпионымыздың отбасы мен жақындарына қайғыра көңіл айтады", - делінген WBC мәлімдемесінде.
29 жастағы Мгайя кәсіпқой рингте тоғыз жекпе-жек өткізген. Ол үш рет жеңіске жетіп, төрт рет қарсыластарына есе жіберді, ал екі жекпе-жегі тең аяқталды.