Азаматтығын ауыстырған ресейлік Қазақстанға Универсиада медалін әперді
19.01.2025, 09:53
Қазақстандық мәнерлеп сырғанаушы Софья Самоделкина Туриндегі Универсиада ойындарының қола жүлдегері атанды.
sportburo.kz
Самоделкина қысқа және еркін бағдарламалар нәтижесінде 190.96 ұпай жинап жеңіс тұғырының үшінші сатысына көтерілді. Алтын медальді жапондық Рион Сумиёси (204.29 бал) қанжығасына байлады. Оның отандасы Монэ Тиба (203.85 бал) күміспен күптелді.
17 жастағы Софья Самоделкина 2023 жылдың жазында ресейлік паспортты қазақстандыққа ауыстырған. 2024 жылдың мамырында Қазақстан оған ресми рұқсат берді. Тамызда мәнерлеп сырғанаушы Қазақстан құрамасына алынды.