Допинг дауымен аты шыққан Алексей Ни жазасын жеңілдетіп алды
Былтыр қарашада ауыр атлетикадан Қазақстан құрамасының бұрынғы бас бапкері Алексей Ниге қатысты шешім қабылданған еді.
Тестілеу жөніндегі халықаралық агенттік (ITA) қазақстандық мамандық өмірінің соңына дейін бапкерлікпен айналысуға тыйым салған. Бірақ бүгін шешім қайта өзгерді.
Енді оған берілген “бан” 4 жылға дейін қысқарды. Алексей Ни мұндай мүмкіндікке қалай қол жеткізгені әзірге белгісіз. Қазақстан ауыр атлетика федерациясы да мұны растады. Оның інісі Виктор Нидің де жазасы жеңілдеп, 4 жылдан кейін бапкерлік айналысуына болады.
Алексей Ни Қазақстан құрамасын жаттықтырған тұста допингтің расталуына байланысты алты бірдей алтын медальден айырылған.
Бейжің-2008: Илья Ильин
Лондон-2012: Илья Ильин, Майя Манеза, Зүлфия Чиншанло, Светлана Подобедова
Рио-2016: Нижат Рахимов.