Нысана көздеу: Азия Кубогында тағы екі "алтын" бұйырды
18.02.2025, 10:49
Таиланд астанасы Бангкокта өтіп жатқан нысана көздеуден Азия Кубогында Ұлттық құрама спортшылары тағы үш жүлдеге қол жеткізді.
olympic.kz
Винтовкамен 50 метрден жатып нысана көздеуде Токио Олимпиадасына қатысқан тәжірибелі Юрий Юрков 620.2 ұпай жинап, жеңімпаз атанды. Тағы бір отандасымыз Никита Шахторин қолаға ие болды (616.7 балл).
Осы жаттығудың командалық бәсекесінде Константин Малиновский, Юрий Юрков пен Никита Шахторин жалпы есепте алтынын мойнына тақты.
Биылғы жарысқа 23 елден 320-дан астам спортшы қатысып жатыр. Турнир 22 ақпанда аяқталады.