"Астана" қарсыласына 33 ұпай айырмасымен жеңілді (ВИДЕО)
11.03.2025, 22:10
"Астана" баскетболшылары ВТБ лигасында Пермь қаласында "Парма" командасымен кездесті.
vtb-league.com
Елордалықтар барлық төрт ширекте табандылық таныта алмады. Нәтижесінде 33 ұпай айырмасымен ойсырай жол берді. Бір қызығы “Парма” осы маусымда бір матчта тұңғыш рет 100-ден артық ұпай жинай алды.
Қазақстандық команда сапында Дэниель Утоми үздік болды. Оның еншісіне 19 ұпай жазылды. Ал Ти Джей Старкс 17 ұпай жинады.
“Астана” 15 наурызда Красноярск өлкесіне қонаққа аттанады. Оларға жергілікті “Енисей” баскетболшылары қарсылас болады.
ВТБ Бірыңғай лигасы. 36-тур
“Парма” (Пермь) — “Астана” 106:73 (21:18, 21:11, 32:24, 32:20).