Камила Валиева жаңа образда бой көрсетті (ФОТО)
Ресейлік танымал мәнерлеп сырғанаушы Камила Валиева жанкүйерлерін ерекше фотосессиямен қуантты.
Желіде жарияланған суреттерде Валиева ерекше стильде көрінеді. Ол футболка, мойнына орамал, қара қолғап және үлбірлі тон киіп, батыл образ жасаған.
Айта кетейік, Спорттық арбитраж соты (CAS) Камила Валиеваны допинг ережелерін бұзғаны үшін төрт жылдық дисквалификация тағайындады. Оның қан құрамынан тыйым салынған триметазидин препараты табылған. Осыған байланысты спортшының 2021 жылдан бергі барлық нәтижелері жойылды, ал оның спорттан шеттетілуі 2025 жылдың желтоқсанында аяқталады.
Дегенмен, Халықаралық коньки тебу одағы (ISU) ресейлік спортшыларға 2026 жылғы Олимпиада ойындарына іріктеу турниріне қатысуға рұқсат берді. Бұл жарыстар 2025 жылдың қыркүйегіне жоспарланған.
