Кака Еуро-2026 іріктеуіндегі сәтсіздіктен кейін мәлімдеме жасады
Қазақстан футзал құрамасының бас бапкері Пауло Рикардо Кака командасының Еуро-2026 іріктеу кезеңінде Арменияға қарсы өткізген матчтағы (2:4) жеңілісіне қатысты пікір айтты.
Қазақстан құрамасы Еуро-2026 іріктеуінде сәтсіздікке ұшырады
"Біз бүгін өз деңгейімізден әлдеқайда төмен ойын көрсеттік. Құрамның жасару үдерісі жүріп жатыр, жарақаттар мәселесі бар, көшбасшылар бұл кездесуге қатыса алмады. Бұл – ақталу емес, бірақ бүгінгі нәтижеге әсер еткен факторлар болды. Бұрын Еуро-2026-ға жолдама тағдыры тек өз қолымызда еді, ал қазір біз басқа командалардың нәтижелеріне тәуелдіміз. Дегенмен егер бір пайыздық мүмкіндік қалса да, біз 99 пайыздық күш жұмсаймыз", — деді Кака.
Қазақстан құрамасын не күтіп тұр?
Бапкердің айтуынша, команда сәуір айында Вьетнамға қарсы жолдастық матч өткізеді. Сонымен қатар Еуро-2026 топтық кезеңінде екінші орын алған үздік сегіз команданы анықтайтын ойындар өтеді.
"Еуропа чемпионатына тікелей жолдама алу мүмкіндігін біз бүгін емес, Даниямен ойында жоғалттық. Бұл жағдайға өзіміз кінәліміз, енді оны өзгерту біздің қолымызда емес – басқа құрамалардың нәтижесін күтуіміз керек", — деді.
Команда дағдарыс кезеңінде
Каканың айтуынша, Қазақстан құрамасында жаңа ойыншылар пайда болып жатыр. Игита алаңға шықпайды, ал басқа командалардың деңгейі өсуде. Бұл өзгерістер Қазақстан үшін ауыр кезеңге тұспа-тұс келді.
Команда тұрақты ойын көрсете алмай жатыр. Бүгін біз ойында басымдық таныттық, бірақ қарсыласымыз жіберген бір гол біз үшін шешуші сәтке айналды. Бұл біз үшін өте ауыр кезең, бірақ қорытынды шығарып, жұмысымызды жалғастырамыз, — деп қорытындылады бапкер.
Еуро-2026-ға шығу мүмкіндігі сақталды ма?
Ереванда өткен ойын 4:2 есебімен Арменияның жеңісімен аяқталды. Осы жеңілістің нәтижесінде Қазақстан Еуро-2026-ға тікелей жолдама ала алмады. Енді құрамамыз топтық кезеңде екінші орын алған үздік сегіз команданың қатарына кіруге талпынады.