Қазақстанның бірінші ракеткасы Александр Бублик Астанада тұсаукесер рәсіміне қатысты.
Қазір Қазақстан құрамасының сапында жүрген 28 жастағы теннисші кішкентай Аян Бейбітұлының тұсауын кесіп, ақ жол тіледі. Айта кетейік, тұсаукесер — баланың қадамы нық, жолы ашық болсын деген ниетпен жасалатын қазақтың дәстүрлі рәсімі.
Еске салайық, 6–7 ақпанда Астанада теннистен Қазақстан құрамасы Монакомен Дэвис кубогы аясында матчтық кездесу өткізеді.
Бұл жұптың жеңімпазы әлемдік элитадағы орнын сақтап, әрі 2026 жылдың қыркүйегінде 2027 жылғы финалдық кезеңнің іріктеуіне шығу жолындағы тартысқа қатысу мүмкіндігін алады.