Елена Рыбакина керемет камбэкпен маусымдағы екінші титулын жеңіп алды

Финалдағы камбэк

Рыбакина шешуші матчта ресейлік Екатерина Александровамен (10-орын) кездесіп, үш сет нәтижесінде жеңіске жетті — 3:6, 6:0, 6:2. Екінші сетте қазақстандық спортшы қарсыласына бір де бір гейм бермей, классикалық «баранка» жасады.

Турнир жолы: топ қарсыластардан сенімді жеңіс

Нинбо турнирі барысында Рыбакина бірнеше мықты спортшыны тізе бүктірді:

• украиналық Даяна Ястремскаяны (30-орын) — 6:4, 6:7, 6:3,
• австралиялық Айла Томляновичті (104-орын) — 6:2, 6:0,
• италиялық Жасмин Паолиниді (8-орын) — 6:3, 6:2.

Бұл жеңіс Елена Рыбакина үшін 2025 жылғы екінші WTA 500 титулы болды. Бұған дейін ол мамыр айында Францияның Страсбург қаласында өткен турнирде топ жарған еді.