Реклама
Реклама
10 000 тг

Лицензия №23019645 от 06.09.2023

300 000 тг

Лицензия №24358082 от 25.07.2024

Реклама
Реклама

Қазақстандық 18 жастағы теннисші қатарынан екінші жартылай финалға шықты

Сарапшы, спорт журналисі
28.11.2025, 21:07

Әмір Омарханов (ATP рейтингінде – №1110) Тунисте өтіп жатқан ITF M15 сериялы турнирінде тағы да жартылай финалға жолдама алды. Монастир қаласының корттарында өнер көрсетіп жүрген жас қазақстандық бұл жетістігімен қатарынан екінші аптада 1/2 финалға шығып отыр.

egemen.kz
Реклама
Реклама

Үндістан өкіліне еш мүмкіндік бермеді

Монастирдегі турнирдің ширек финалында Омарханов Үндістан теннисшісі Чираг Духаннан (№890 ATP) айқын басым түсіп, матчты 6:1, 6:2 есебімен аяқтады.

Бұл жеңіс Әмірдің Тунис корттарындағы жеке разрядта тоғызыншы кездесуі болса, дәл осы Монастирдегі серияда қатарынан сегізінші жеңісі болды. Оның бесеуі – өткен аптада өткен алғашқы турнирде тіркелген.

Турнир жолы: Бельгия мен Швейцария өкілдерін тоқтатты

Осы аптадағы ITF M15 жарысын Әмір сенімді бастады. Алғашқы айналымда бельгиялық Лоис Херманнанды (№1620 ATP) 6:3, 7:5 есебімен ұтты. Одан кейін 1/4 финалға шығу үшін Швейцария теннисшісі Нао Лопесті (№924 ATP) 6:4, 6:0 нәтижесімен жеңді.

Қазақстанның үздік жас теннисшісі осылайша ересектер арасындағы деңгейде де өз әлеуетін айқын көрсетіп келеді.

Келесі қарсылас – француз дуэлінің жеңімпазы

Енді Әмір Омарханов 29 қараша күні Тунисте өтетін жартылай финалда кортқа қайта шығады. Оның келесі қарсыласы Франция спортшылары – Томас Фаурель мен Тео Херманн арасындағы кездесудің жеңімпазы болмақ.

Финал жолдамасы үшін матч Омархановтың рейтингін жақсартуға да, ITF деңгейіндегі тәжірибесін арттыруға да зор мүмкіндік береді.

Бір апта бұрын, дәл осы Монастирде Әмір Омарханов карьерасындағы алғашқы кәсіби титулын жеңіп алған еді. 

Реклама
Реклама

Серіктес жаңалықтары