Елена Рыбакина ең көп табыс тапқан спортшылар ондығына кірді

Қазақстандық теннисші, әлемнің бесінші ракеткасы Елена Рыбакина 2025 жылы ең көп табыс тапқан спортшы қыздардың үздік ондығына енді. Ол жылдық табысы 12,6 миллион доллармен тоғызыншы орынға жайғасты.

Халықаралық спорттық медиа Sportico жариялаған рейтинг бойынша, WTA-ның қорытынды турнирінің жеңімпазы Елена Рыбакина биылғы маусымда 8,6 миллион долларды турнирлерден, тағы 4 миллионды демеушілік келісімдерден тапқан. Бұл — Рыбакина карьерасындағы рекордтық көрсеткіштердің бірі. Ол Қазақстан спортшылары арасында 2025 жылдың ең табысты әйел спортшы саналады. 

Үздіктер тізімі

Спорттық табыстар рейтингісінде алғашқы үш орынды теннис жұлдыздары иеленді:

• Кори Гауфф (АҚШ) — $31 млн ($8 млн сыйақы + $23 млн келісімшарт);
• Арина Соболенко (Беларусь) — $30 млн ($15 млн + $15 млн);
• Ига Швёнтек (Польша) — $23,1 млн ($10,1 млн + $13 млн).
• Чжэн Циньвэнь (Қытай) — $20,6 млн ($1,6 млн + $19 млн);
• Мэдисон Киз (АҚШ) — $13,4 млн ($4,4 млн + $9 млн);
• Елена Рыбакина (Қазақстан) — $12,6 млн ($8,6 млн + $4 млн);
• Наоми Осака (Жапония) — $12,5 млн ($2,5 млн + $10 млн).