Елена Рыбакина мен ресейлік жұлдыз арасындағы матч нағыз триллерге айналды
21.02.2025, 21:03
Қазақстандық теннисші Елена Рыбакина (WTA рейтингінде 7-орын) Дубайде өтіп жатқан турнирдің жартылай финалында ресейлік Мирра Андреевамен (14-орын) кездесті.
sportbox.ru
Тартысты матч үш сетке созылып, Рыбакина Андреевадан 4:6, 6:4, 3:6 есебімен жеңіліс тапты. Осылайша қазақстандық спортшы турнирдегі жорығын жартылай финалда тоқтатты.
Рыбакинаның Дубай турниріндегі жолы
Осыған дейін Елена Рыбакина Дубай турнирінде мықты қарсыластарын жеңіп, жартылай финалға дейін жетті:
- Моюка Утидзима (Жапония, 62-орын) – 6:3, 6:2
- Паула Бадоса (Испания, 10-орын) – 4:6, 7:6, 7:6
- София Кенин (АҚШ, 56-орын) – 6:2, 7:6
Турнирдің жүлде қоры
2024 жылғы Дубай турнирінің жалпы жүлде қоры – 3 664 963 доллар.
Турнир жеңімпазы 597 000 доллар және 1000 рейтингтік ұпай алады.
Рыбакина жартылай финалға шыққаны үшін 181 400 доллар және 390 рейтингтік ұпай еншіледі.