UFC тарихында тұңғыш рет! Турнир Бакуде өтеді

Редактор Penalty.kz
12.04.2025, 17:36

Әзербайжан UFC турнирін қабылдайтын 29-шы мемлекет атанбақ. 

Oxu.Az

Баку Crystal Hall аренасы 2025 жылдың 21 маусымында аралас жекпе-жек тарихындағы айтулы оқиғаның куәсі болмақ. UFC алғаш рет Әзербайжан астанасында турнир өткізетінін ресми түрде расталды.

Осылайша, Әзербайжан UFC турнирін қабылдайтын 29-шы мемлекет ретінде тарихқа енеді. Бұл келісім аралас жекпе-жек жанкүйерлеріне Кавказ аймағында әлемдік деңгейдегі бәсекені тамашалау мүмкіндігін сыйлайды.

Басты жекпе-жек – жартылай ауыр салмақта

UFC Fight Night 260 турнирінің басты жекпе-жегінде:

  • Джамаал Хилл – жартылай ауыр салмақтағы бұрынғы UFC чемпионы
  • Халил Раунтри (кішісі) – рейтингте 7-орында тұрған қарымды файтер

Екеуінің кездесуі жанкүйерлер арасында ерекше қызығушылық тудырып отыр. Хилл чемпиондық атақтан айырылғалы бері қайтадан белсенділік танытып, өз деңгейін дәлелдеуге дайын. Ал Раунтри үшін бұл – мансабындағы басты мүмкіндік болмақ.