Азия чемпионы Астанада сенсациялық жеңіліске ұшырады
2025 жылғы әлем чемпионатына іріктеу турнирінің басты фавориті саналатын Ибрагим Магомадов күтпеген жерден жарыстан шығып қалды.
Бұл жағдай Астанада өтіп жатқан Қазақстан кубогының ширек финалдық кезеңінде болды. Грек-рим күресінен 77 келі салмақта сынға түскен Азия чемпионы, ұлттық құраманың көшбасшысы Ибрагим Магомадов алғашқы айналымдардан сүрінбей өткенімен ширек финалда астаналық Ерасыл Кенғановтан жеңілді.
Ерасыл Кенғанов белгісізден сенсация жасаған балуан
Бұған дейін Кенғанов тек 2019 жылы кадеттер арасындағы Азия чемпионатында 55 келіде қола медаль алғанымен есте қалған еді. Алайда бұл жолы ол ел ішіндегі ең мықты балуандардың бірін тоқтатты.
Белдесу 2:2 есебімен аяқталғанымен, соңғы белсенді әрекетті Ерасыл жасағандықтан төрешілер жеңісті оған берді.
Ибрагим Магомадов: жеңіліс пен үміт
- Туған жылы: 19 ақпан 1991 жыл
- Туған жері: Сарань, Қарағанды облысы
Жетістіктері:
- Азия чемпионатының финалисі (2020 – 72 кг)
- Азия чемпионы (2023 – 72 кг)
- Азия чемпионатының қола жүлдегері (2025 – 77 кг)
Мәртебесі: ҚР спорт шебері, халықаралық дәрежедегі спорт шебері
2024 жылы ол Қазақстан кубогын барлық күрес түрінен ұтып, ел спортында жарқын кезеңді бастан кешірген еді. Алайда биылғы маусым оның мансабында тосын бұрылыстармен есте қалатын түрі бар.