Қазақстан құрамасы Әлем кубогында медаль еншіледі (ВИДЕО)
Қазақстандық боксшы Надежда Рябец Астанада өтіп жатқан бокстан әлем кубогында жартылай финалға өтіп, кем дегенде қола медальді қоржынға салды. Ол ширек финалда бразилиялық қарсыласын төрешілер шешімімен жеңді.
Астанада өтіп жатқан World Boxing Әлем кубогында қазақстандық боксшы қыз Надежда Рябец жартылай финалға шығып, ел қоржынына кем дегенде қола медаль әкелді.
Ширек финалдағы жеңіс
75 келіге дейінгі салмақ дәрежесінде өнер көрсеткен Надежда Рябец турнирдегі алғашқы кездесуін Бразилияның Вивиан дос Сантос Перейрасына қарсы өткізді. Ширек финалда өткен бұл бәсекеде Рябец төрешілердің бөлінген шешімімен жеңіске жетті.
Осылайша, ол жартылай финалға жолдама алып, кем дегенде қола медальды қоржынға түсірді. Ал Перейра жарысты жүлдесіз аяқтады.
Надежда Рябец — тәжірибелі әрі табысты спортшы. Ол:
- 2023 жылғы әлем чемпионатының қола жүлдегері;
- 2018 жылғы жасөспірімдер Олимпиадасының қола медаль иегері.
Бұл жолы да Рябец өзінің тұрақты нәтижесін сақтап, халықаралық аренада Қазақстан әйелдер құрамасының абыройын қорғауда.