Нокдаун, үстемдік және финал. Бекзат Нұрдәулетов Астанада қарсыласын тас-талқан етті (ВИДЕО)
World Boxing кубогында 85 келі салмақта сынға түскен әлем чемпионы Бекзаь Нұрдәулетов Түркия құрамасының мүшесі Самет Эрсоймен қолғап түйістірді.
Бекзаттың нокдаунмен бекіген үстемдігі
Жекпе-жек толық Нұрдәулетовтың бақылауында өтті. Әсіресе үшінші раундта Бекзат жойқын соққысымен Эрсойды нокдаунға жіберіп, көрермендерді дүр сілкіндірді. Жекпе-жектің соңында төрешілер бірауыздан жеңісті қазақстандық спортшыға берді.
Финалға дейінгі қарсыластары
Бұл жеңістің арқасында Бекзат Нұрдәулетов World Boxing кубогының финалына шықты. Енді ол алтын медаль үшін шешуші жекпе-жек өткізеді. Ал түркиялық Самет Эрсой жарысты қола медальмен аяқтады.
Айта кетейік, Бекзат — 2019 жылғы әлем чемпионы және 2024 жылғы Азия чемпионы. Самет Эрсой халықаралық аренада айтарлықтай жетістікке жетпегенімен Түркия чемпионатын алты рет жеңіп алған.