Алуа Балқыбекова әлемдік кубоктың финалына шықты (ВИДЕО)
05.07.2025, 19:27
Астанадағы World Boxingкубогының жартылай финалында Алуа Балқыбекова 51 келіге дейінгі салмақ дәрежесінде бразилиялық Каролин Барбоса де Алмейдамен қолғап түйістіріп, қазылар алқасының бір ауыздан шығарған шешімімен жеңіске жетті.
фото ашық дереккөздерден алынды
Финалға жол – ел намысын қорғаудағы келесі қадам
Осылайша Алуа Балқыбекова өз жерімізде өтіп жатқан халықаралық турнирдің финалына жолдама алды. Енді ол алтын жүлде үшін айқасады. Ал оның қарсыласы Каролин Барбоса кубоктағы өнерін қола жүлдемен аяқтады.
Балқыбекованың жетістіктері
Айта кетейік, Алуа қазіргі әлем чемпионы. Бұған дейін ол:
- 2022 жылы – күміс медаль,
- 2023 жылы – қола медаль жеңіп алып, екі рет әлем чемпионатының жүлдегері атанған.
Сондай-ақ, ол 2021 және 2022 жылдары Азия чемпионатында екі мәрте алтын медаль иеленген.