"Ливерпульде ең мықты бабымда боламын" — Назым Қызайбай жанкүйерлерге үн қатты

“Президенттің көз алдында алтын алу — ерекше сәт”

Әйелдер арасында бокстан әлем кубогының жеңімпазы, Қазақстан құрамасының жетекші спортшысы Назым Қызайбай әлеуметтік желідегі парақшасында жанкүйерлер мен жаттықтырушыларына алғыс білдірді.

"Мен әлем кубогының чемпионы атандым! Тұғырдың ең биік сатысына көтеріліп, алтын медаль иеленгеніме өте қуаныштымын. Президенттің көз алдында өнер көрсету — үлкен жауапкершілік әрі мәртебе. Бұл жарысты мінезіме, тәжірибеме және өз-өзіме деген сенімге сүйеніп өттім", — деп жазды Назым.

Ендігі мақсат — әлем чемпионаты

Назым тартысты кездесулерден кейін 2025 жылы Ливерпульде өтетін әлем чемпионатында бар күшін салатынын мәлімдеді.

"Негізгі бәсекелер әлі алда. Мен әлем чемпионатында өзімнің ең мықты күйімде боламын және бар шеберлігімді көрсетемін", — деді ол.

Қазақстан құрамасының тарихи жетістігі

Қызайбай өз жазбасында Қазақстан құрамасының әйелдер мен ерлер арасындағы командалық есепте бірінші орын алғанын ерекше атап өтті.

"Бүкіл әлемде бокстың қалай дамып келе жатқанын көру — ерекше құнды. Қарсыластар өте мықты болды, бірақ біз бір команда ретінде барлығын еңсере алдық. Бұл жеңіс — барлығымыздың ортақ еңбегіміз!"

Жанкүйерлерге, қарсыластарға және бапкерге алғыс

Назым барша жанкүйерге, әріптестерге және бапкерлерге жүрекжарды алғысын жеткізді:

"Қарсыластарға — мықты жекпе-жектер үшін, жанкүйерлерге — қолдау мен сенім үшін, ал менің ең үздік бапкеріме және барша ұлттық құрамаға көп рахмет айтамын. Біз — алып күшпіз!"