Допингпен ұсталған қазақ боксшысы өзбек қарсыласын нокаутқа түсірді (ВИДЕО)
Саматәлі Төлтаев (6-0, 3 КО) Алматыдағы кәсіпқой бокс кешінде басты жекпе-жекке шықты. Оның қарсыласы Өзбекстаннан келген тәжірибелі Абдулазизбек Нажмиддинов (11-2, 9 КО) болды. Жекпе-жек жеңіл салмақтағы UBO тұжырымы бойынша әлем чемпиондық белдігі үшін өтті.
Жарқ еткен нокаут
Титулдық кездесу он екі раундқа жоспарланғанымен тек бір раундқа созылды. Төлтаев қарсыласын нокаутқа жіберіп, сенімді жеңіске жетті.
Төлтаев кәсіпқой бокстағы алтыншы жеңісіне жетті
Бұл жеңіс Саматәлі Төлтаевтың кәсіпқой мансабындағы алтыншы жетістігі болды. Оның есебінде үш нокауттық жеңіс тіркелді. Ал Нажмиддинов үшін бұл кәсіпқой бокстағы екінші жеңіліс болды.
Допинг дауы: Төлтаевтың өткендегі даулы оқиғасы
Айта кетейік, Саматәлі Төлтаев 2023 жылы әуесқойлар арасында өнер көрсетіп жүргенде допинг дауына ілінген. Оның ағзасынан тыйым салынған анаболикалық стероид — оралтуринабол табылып, боксшы 2026 жылдың 31 наурызына дейін жарыстардан шеттетілген. Сонымен қатар Қазақстан құрамасынан да шығарылған.
Алайда Төлтаев кәсіпқой аренада өзінің мықты екенін дәлелдеп, жеке мансабында жаңа парақ ашты.