Жұмабеков: "Мансабымды аяқтамаймын, Хейбатимен заруба керек!"
Naiza 76 турнирінде 15-ші жеңісін алған Жұман Жұмабеков мансабын аяқтамайтынын айтып, Мохаммед Хейбатиге ашық шақыру тастады.
Алматыдағы айқас: 15-ші кәсіби жеңіс
Naiza 76 турнирінде (Алматы) қазақстандық файтер Жұман Жұмабеков бразилиялық қарсыласы Бруно Роверсоны ұпай санымен жеңіп шықты. Үш раундқа созылған айқаста төрешілер бірауыздан Жұмабековті жеңімпаз деп таныды. Бұл жеңіс оның кәсіби мансабындағы 15-ші жетістігі болды. Ал Роверсо үшін бұл жекпе-жек 13-ші жеңіліс болып тіркелді.
Жекпе-жектен кейінгі сұхбат барысында Жұмабеков өзінің мансабын аяқтамайтынын жариялап, жаңа қарсыласқа ашық шақыру жасады. Ол келесі бәсекесін Ираннан шыққан тәжірибелі спортшы Мохаммед “Перс” Хейбатимен өткізгісі келетінін жеткізді. Бұл кездесу ММА ережесі бойынша өтуі мүмкін.
Жекпе-жекке шақыру
Жұмабеков президентке, Naiza лигасының басшысы Нұрбек Қарабалаға арнаған сөзінде әзіл-шынын араластыра былай деді:
“Мен онымен үлкен айқасқа дайынмын, ол да дайын. Нұрбек Қарабала, маған тағы бір үй салу керек”, – деді спортшы.
Айта кетейік, Жұман Жұмабеков тек ММА-мен шектелмей, бокс пен қолғапсыз жекпе-жек спорт түрлерінде де өнер көрсетіп жүр. Оның жаңа бастамасы қазақстандық жанкүйерлер үшін күтпеген тосынсый болды.