"Рингті қатты сағындым": Бивол үнсіздікті бұзып, жанкүйерлеріне маңызды хабар жолдады

Сұлтан Данияр

Сарапшы, спорт журналисі

30.08.2025, 21:14

Жартылай ауыр салмақтағы біріккен әлем чемпионы Дмитрий Бивол (24-1, 12 КО) өзінің спорттық болашағына қатысты алғашқы мәлімдемесін жасады.

fightnews.info

Биволдың мәлімдемесі

Ресейлік боксшы жанкүйерлерін әлеуметтік желі арқылы қуантты:

“Рингті қатты сағындым. Қайта оралып, сүйікті ісіммен айналысатын күнді асыға күтемін”, — деп жазды Бивол.

Тамыз айының басында Бивол арқасына ота жасатқан болатын. Оның айтуынша, толық жазылу процесі 6-8 аптаға созылады.

Күні: 23 ақпан 2025 жыл
Өткізілген жері: Эр-Рияд, Сауд Арабиясы
Қарсылас: Артур Бетербиев (21-1, 20 КО)
Нәтиже: 12 раундқа созылған реваншта Бивол төрешілердің бөлек шешімімен (114-114, 116-112, 115-113) жеңіске жетті.

Бұл айқаста ол жартылай ауыр салмақта абсолютті әлем чемпионы атағын иеленді.