Дау-дамайға толы күн: Қазақстан боксшылары әлем чемпионатының медалі үшін қалай айқасты?
Ливерпульдегі (Англия) әлем чемпионаты қазақ жанкүйерлеріне сенсация, қуаныш және өкініш сыйлады. 12 қыркүйекте Қазақстан құрамасынан алты бірдей боксшы рингке шықты.
Айбек Оралбай – күннің басты сенсациясы
Қазақстандық суперауыр (90+ кг) салмақтағы Айбек Оралбай бокстың аңызға айналған тұлғасын тоқтатты. Ол екі дүркін олимпиада чемпионы, бес дүркін әлем чемпионы кубалық Хулио Сесар Ла Крусты 3:2 есебімен жеңіп, жартылай финалда нағыз сенсация жасады.
Бұл жеңіс тек қазақ спорты үшін емес, бүкіл әлемдік бокс қауымдастығы үшін үлкен жаңалық болды.
Ерлер арасындағы кездесулер
50 кг. Ширек финал: Санжар Тәшкенбай — Джадумани Сингх Манденгбам (Үндістан) — 4:0
90+ кг. Жартылай финал: Айбек Оралбай — Хулио Сесар Ла Крус (Куба) — 3:2
Әйелдер арасындағы жекпе-жектер
48 кг. Ширек финал: Назым Қызайбай — Анна Охота (Украина) — 5:0
60 кг. Жартылай финал: Виктория Графеева — Ребека Де Лима Сантос (Бразилия) — 1:4
65 кг. Жартылай финал: Аида Әбікеева — Грэйни Мэри Уолш (Ирландия) — 5:0
80+ кг. Жартылай финал: Елдана Тәліпова — Агата Качмарска (Польша) — 0:5