Тарихи сәт! Әбиба Әбужақынова планетаның үздігі деп танылды

Қазақстандық дзюдошы Әбиба Әбужақынова алғаш рет халықаралық рейтингтің көшбасшысы атанды. Бұл – қазақ дзюдосы тарихындағы ерекше сәт.

Халықаралық дзюдо федерациясы (IJF) жариялаған соңғы рейтингте 48 келі салмақ дәрежесінде қазақстандық спортшы Әбиба Әбужақынова бірінші орынға көтерілді. Бұған дейін ол екінші орында тұрған еді.

Бұған дейін Қазақстаннан тек Елдос Сметов пен Галбадрах Отгонцэцэг қана әлемдік рейтингтің көшін бастаған болатын.

Жетістіктер жолы

Әбужақынова соңғы жылдары тұрақты түрде жоғары нәтиже көрсетіп жүр:

• 2025 жылы Будапештте өткен әлем чемпионатында күміс жүлде иеленді;
• 2022 және 2024 жылдары әлем біріншіліктерінде қола жүлде жеңіп алды.

Басқа қазақстандықтар да үздіктер қатарында

Әбибадан бөлек, әлемдік рейтингтің топ-15 қатарына тағы үш қазақстандық дзюдошы кірді:

• Елдос Сметов (60 кг) – Олимпиада-2024 чемпионы, қазіргі таңда 15-орында;
• Ғұсман Қырғызбаев (66 кг) – Олимпиада-2024 қола жүлдегері, 12-орында;
• Абылайхан Жұбаназар (81 кг) – Азия ойындарының қола жүлдегері, 15-орында.

Әбиба Әбужақынованың әлемдік рейтингті бағындыруы – тек жеке жетістік емес, қазақ дзюдосының халықаралық деңгейдегі беделін көтерген оқиға. Бұл жеңіс алдағы Олимпиада алдында да үлкен сенім сыйлайды.