Қазақстандық аралас жекпе-жек өкілі Саят «Аватар» Әбдуали (9-0) Өзбекстан астанасында өткен Octagon 79 турнирінің басты айқасында өнер көрсетті.
Әбдуалидің қарсыласы өзбек спортшысы, «Қоқан арыстаны» лақап атымен танымал Амирхон Алихуджаев (12-6) болды. Олар Octagon MMA лигасының жеңіл салмақтағы ваканттық чемпиондық белбеуін сарапқа салды.
Жекпе-жек бес раундқа жоспарланғанымен тағдыры небәрі бірінші кезеңде шешілді. Әбдуали қарсыласын тұншықтыру арқылы жеңісті өз атына жазды.
Бұл жеңістен кейін қазақстандық файтердің кәсіби көрсеткіші 9 жеңіске жетті. Ол жеңіл салмақтағы жаңа Octagon чемпионы атанды. Ал өзбек спортшысы мансабындағы алтыншы жеңілісін тіркеді.