Қазақстандық боксшы Али Балоев (14-2-1, 8 КО) Түркияның Фетхие қаласында өткен кәсіпқой бокс кешінде жеңіске жетті.
Ол рингте босниялық ауыр салмақты Эрмин Авдичпен (15-15-1, 11 КО) кездескен. Крузервейттегі алты раундқа жоспарланған айқас ұзаққа созылған жоқ. Балоев қарсыласын бірінші раундта-ақ нокаутпен құлатты.
Бұл жеңіс Али Балоевтың кәсіби мансабындағы 15-ші жеңісі болды. Ал қарсыласы Эрмин Авдич өз есебіне 16-шы жеңілісті жазды.
Айта кетейік, бұл Балоевтың 2025 жылғы екінші жекпе-жегі. Бұған дейін ол ақпан айында Қытайдың өкілі Озат Нұрланды (17-4-2, 13 КО) төрешілердің бірауыздан қабылдаған шешімімен жеңген еді.