Семейде ерлер мен әйелдер арасында бокстан Қазақстан чемпионаты өтіп жатыр.
65 келі салмақ дәрежесіндегі ширек финалда Алматы облысының боксшысы, ұлттық құраманың чемпионы Ертуған Зейнуллинов Қызылорда облысының өкілі Бағлан Тұрсынбаймен кездесті.
Жекпе-жек Зейнуллиновтың айқын басымдылығымен аяқталып, төрешілер бірауыздан 5:0 есебімен жеңісті оған берді.
Ертуған Зейнуллинов — 2024 жылғы Қазақстан чемпионы, сондай-ақ 2025 жылы Болгарияның София қаласында өткен “Странджа” кубогының финалисі.
Ол Астанада ұйымдастырылған World Boxing Кубогы-2025 кезеңінде қола медаль иеленсе, Ливерпульдегі әлем чемпионатының ширек финалында Олимпиада чемпионы, өзбек боксшысы Асадхуджа Муйдинхуджаевқа жол берген.