Семейдегі Қазақстан чемпионатында 90 келіге дейінгі салмақта шешуші жекпе-жек өтті. Рингке 2024 жылғы Азия чемпионы және белгілі бапкер Мырзағали Айтжановтың шәкірті Сағындық Төгамбай шықты. Оған Данияр Рахымбердинов қарсылас болды.
Бірінші раундтан-ақ Тоғамбай айқын басымдық танытып, қарсыласын барлық жағынан бақылауда ұстады. Қорғаныс пен шабуылды тиімді ұштастырды. Барлық төреші бірауыздан (30:27, 30:27, 30:27, 30:27, 29:28) есебімен оның пайдасына шешім шығарды. Осылайша Сағындық Тоғамбай сенімді түрде финалға жолдама алды.
Бұл жеңіс Төгамбай үшін ерекше маңызға ие. Себебі ол қыркүйек айында Ливерпульде өткен әлем чемпионатының ширек финалында өзбек боксшысы Турабек Хабибуллаевтан ауыр жеңіліске ұшыраған еді. Сол сәттен кейін спортшының бұл нәтижесі — нағыз рухани оралу деп бағаланды.