Нью-Делиде (Үндістан) өтіп жатқан World Boxing ұйымының әлем кубогының финалдық кезеңінде қазақстандық боксшы Нұрбек Мұрсал жарқын жеңіске жетті.
Мұрсал 70 келі салмақ дәрежесіндегі ширек финалда Қырғызстан өкілі Ихтияр Нишоновпен кездесіп, үш раундқа созылған тартысты айқаста төрешілер шешімімен жеңімпаз атанды.
Осы жеңіс Нұрбек Мұрсалды турнирдің жартылай финалына шығарды және оған кем дегенде қола медаль қамтамасыз етті.
Бокстан Әлем кубогының финалдық кезеңі 20 қарашаға дейін жалғасады. Қазақстандық боксшылар турнирде ерлер және әйелдер құрамалары болып толық құрамда өнер көрсетіп жатыр.